Остона, 19 феврали соли 2026 АИ «Караван Инфо». Соли 2025 ширкатҳои қазоқистон дар натиҷаи миссияҳои тиҷоративу иқтисодӣ ба Эрон, Маҷористон, Афғонистон, Чин, Малайзия, Узбекистон, Беларус ва Покистон ба маблағи 477,8 миллион доллар созишномаҳои содиротӣ ба имзо расониданд. Дар ин бора Вазорати савдо ва ҳамгироӣ хабар дод.

Дар миссияҳо зиёда аз 300 ширкати қазоқистонӣ иштирок намуданд. Хароҷоти содиркунандагон барои 109 ширкат 6,26 миллиард тенге ҷуброн намуда шуд.

Вазорат самтҳои берунии инфрасохториро рушд медиҳад: офисҳои Uz-Qaztrade, Qaztrade дар Тоҷикистон, Дубай, Термен, Будапешт, Теҳрон, Урумчӣ ва Нанкин. Қазоқистон дар ҳашт намоишгоҳи бузурги байналмилалӣ, аз ҷумла Gulfood, China Import Expo ва “Ҳафтаи Сабз” дар Берлин иштирок намуд.

Дастгирии молиявии содиркунандагон тавассути агентии содиротӣ – кредитӣ ба 653,7 миллиард тенге расид, ки қариб ду баробар аз соли 2024 зиёд аст. Маблағгузории тиҷоратӣ ва пеш аз содирот 92,2 миллиард тенгеро ташкил дод, ки 121 содиркунанда дастгирӣ ёфтанд.

Қазоқистон шабакаи созишномаҳои тиҷоратии афзалиятнокро васеъ намуд. Созишномаи шарикии иқтисодӣ байни ИИАО ва АМА, созишномаи муваққатии тиҷоратӣ бо Муғулистон ва созишномаи тиҷорати озод бо Индонезияро имзо намуданд.

Вазири савдо Арман Шаккалиев қайд намуд, ки кори комплексӣ барои рушди содироти қазоқистон заминаи устувор фароҳам меорад, мавқеи истеҳсолкунандагонро дар бозорҳои байналмилалӣ мустаҳкам мекунад ва рақобатпазирии кишварро баланд мебардорад.

Сурат: МТИ ҶҚ