Остона, 23 сентябри соли 2026-АИ Караван Инфо. Президент Қасим-Жомарт Токаев дар аксияи “Таза Қазақстан” (Қазоқистони Пок) иштирок намуда, дар якҷоягӣ бо ҷавонон ва экоактивистон дар боғи Президентӣ дарахтон шинонд.

Сарвари давлат ба иштирокчиёни ташаббуси экологӣ изҳори сипос намуда, таъкид намуданд, ки муҳаббат ба Ватан аз ғамхорӣ дар бораи хона ва зодгоҳаш оғоз меёбад.

“Барои ман ҷавононе, ки ба чунин иқдомҳои наҷиб мусоидат мекунанд, ватандӯстони ҳақиқӣ мебошанд”, — изҳор дошт Касим-Ҷомарт Токаев.

Президент масалҳои қазоқиро “Бір тал кессең, он тал ек” (агар як дарахтро бурида, даҳ дарахт шинонед) ба ёд овард ва қайд намуд, ки муносибати эҳтиёткорона ба табиат қисми муҳими анъанаҳои миллӣ мебошад.

Тибқи маълумоти вазири экология ва захираҳои табиӣ Алибек Куантиров, дар давоми татбиқи ” Қазоқистони Пок ” дар кишвар зиёда аз 2 ҳазор чорабиниҳои экологӣ гузаронида шуда, зиеда аз 3,8 миллион тонна партовҳо ҷамъоварӣ ва тақрибан 10 ҳазор партовгоҳҳо барҳам дода шуданд.

Дар Остона рушди фазои сабз ва ҷамъиятӣ идома дорад. Президент инчунин дастур дод, ки чораҳои зидди граффити ба биноҳо тақвият дода шаванд ва чунин амалҳо ҳамчун зуҳуроти вандализм баррасӣ намуда шаванд.

” Қазоқистони Пок ” гарави ояндаи дурахшони мост”,-таъкид намуд Касим-Жомарт Токаев.

 Аксҳо: Акорда