Шу ой бошида Тожикистон Республикаси Транспорт вазири Азим Иброҳим Душанбе шаҳрида Туркманистон Вазирлар Маҳкамаси ҳузуридаги Транспорт ва коммуникациялар агентлиги Бош директори Маметхон Чакиев билан учрашди.
A. Иброҳим ва М. Чакиев нархларни белгилашда ягона ёндашувга риоя қилишга ва ҳар икки мамлакатда халқаро юкларни етказиб бериш хизматлари учун мақбул тарифларни жорий этишга келишиб олдилар.
Туркманистон раҳбарининг яқинда Душанбега расмий ташрифи якунида Тожикистон Республикаси Президенти Имомали Раҳмон ва Туркманистон Халқ маслаҳати раиси Гурбангулы Бердимуҳамедов иқтисодиётнинг истиқболли тармоқлари, жумладан, транспорт ва юк ташиш соҳасидаги алоқаларни кенгайтириш масалаларини муҳокама қилдилар.
Хусусан, томонлар Тожикистон товарларини Туркманистон орқали транзит ташишни кенгайтириш ва Тожикистонга Каспий денгизига чиқиш имкониятини берувчи транспорт йўлагини яратиш масалаларини муҳокама қилдилар.
Таъкидлаш жоизки, Тожикистон ва Туркманистон ўтган йили мамлакатлар ўртасидаги муносабатларни стратегик шериклик даражасига кўтарди.