Turkiya O’zbekiston hududlarini rivojlantirishni qo’llab-quvvatlashga intilmoqda

2024-yil fevral oyida Turkiya hamkorlik va muvofiqlashtirish agentligining, delegatsiya tashrifi doirasida O’zbekiston Respublikasi Bosh vaziri o’rinbosari- iqtisodiyot va moliya vaziri Jamshid Qo’chqorov hamda agentlik prezidenti Serkan Kayalar bilan uchrashuv tashkil qilindi.



Uchrashuvdan maqsad davlatlar o’rtasidagi iqtisodiy va ijtimoiy aloqalarni mustahkamlash, shuningdek, tajriba almashish va iqtisodiyot va tadbirkorlik sohalaridagi hamkorlikning yangi yo’nalishlarini rivojlantirish bo’ldi.

Uchrashuv avvalida S. Kayalar Agentlik O’zbekiston taraqqiyotini diqqat bilan kuzatib borayotganini, uni mintaqadagi asosiy hamkori ekanini ta’kidladi, shuningdek, TIKA O’zbekistonda amalga oshirilayotgan islohotlarda faol ishtirok etishdan manfaatdor ekanligini tasdiqladi.

Uchrashuvning muhim jihatidan biri O’zbekistonda biznesni qo’llab-quvvatlashni kengaytirish rejalari muhokama qilindi. Buxoro, Surxondaryo va Andijon viloyatlarida maslahat( konsultatsiya) xizmatlari muvaffaqiyatli ishga tushirilgandan so’ng, ushbu tashabbusni sezilarli darajada kengaytirish rejalashtirilgani ta’kidlandi. Strategiya butun mamlakat boʻylab 100 tagacha biznes-maslahat ofislarini ochish  ko’zda tutilgan.  Ushbu qadam hududlarning iqtisodiy salohiyatini kuchaytirish, tadbirkorlarga zarur resurslar va axborotlardan foydalanishni ta’minlash, yangi ish o‘rinlari yaratish, kichik va o‘rta biznesni rivojlantirishda rag‘batlantirishga qaratilgan.

Bundan tashqari, suv resurslarini boshqarish sohasidagi hamkorlikni kengaytirish va Xorazm viloyatida ekologik toza turar-joy majmualarini qurishga qaratilgan loyihalarni qo‘llab-quvvatlash istagi qayd etildi.

Uchrashuv yakunida tomonlar ikki mamlakatning iqtisodiy oʻsishi va ijtimoiy rivojlanishiga xizmat qiladigan qoʻshma loyihalarni amalga oshirishda oʻzaro manfaatdor ekanliklarini taʼkidladilar.