AFG'ONISTON, 2026-yil 24-avgust – Karavan Info axborot agentligi. Afg'oniston temir yo'l boshqarmasi Jamoat ishlari vazirligidan chiqarildi va mustaqil agentlikka aylantirildi.

Vazirlik ma'lumotlariga ko'ra, qaror Tolibon yetakchisi Haybatulloh Axundzodaning buyrug'i bilan qabul qilingan.

Yangi departament rahbari etib ilgari Jamoat ishlari vazirining texnik ishlar bo'yicha o'rinbosari lavozimida ishlagan Abdulkarim Fateh tayinlandi.

Yangi agentlikning vakolatlari, tuzilishi va ish tartibi haqida tafsilotlar hali oshkor qilinmadi.

Afg'onistonda temir yo'lni rivojlantirish savdo va tranzit uchun juda muhimdir. Mamlakat rasmiylari Afg'onistonni Markaziy va Janubiy Osiyo bilan bog'laydigan loyihalarni kengaytirishga intilmoqda.

Surat: DID