AFG'ONISTON, 2026-yil 4-iyul – Karavan Info axborot agentligi. Tolibonning iqtisodiy ishlar bo'yicha bosh vaziri o'rinbosari Abdul G'ani Baradar kecha, 3-iyul, juma kuni Eron prezidenti Masud Pezeshkian bilan uchrashdi va muzokaralar olib bordi.

Tolibon delegatsiyasining Pezeshkian bilan uchrashuvining nashr etilgan fotosuratlarida Tolibon tashqi ishlar vaziri Amir Xon Muttaqi ham tasvirlangan.

Eron prezidentlik devoni bayonotida Pezeshkian Afgʻoniston, Xitoy va Namibiya delegatsiyalari bilan uchrashuvda ushbu mamlakatlarga AQSh va Isroil hujumlarini qoralovchi pozitsiyalari uchun minnatdorchilik bildirganini aytdi.

Bayonotga ko'ra, Pezeshkian Tehron hech bir mamlakat o'z hududi, imkoniyatlari va salohiyatidan "tajovuzkorlar tomonidan Eron Islom Respublikasi xalqi va suverenitetiga qarshi harakat qilish uchun" foydalanishga yo'l qo'ymasligini kutayotganini ta'kidladi.

Amir Xon Muttaqi bir kun oldin eronlik hamkasbi bilan ham uchrashib, muzokaralar olib bordi.

Eron Afg'onistondagi amaldagi hukumat (Tolibon) bilan yuqori darajadagi munosabatlarni saqlab kelmoqda.

Surat: Eron Prezidenti ma'muriyati matbuot xizmati