MARKAZIY OSIYO, 2026-yil 21-aprel – Karavan Info axborot agentligi. Eron Islom Respublikasi Tashqi ishlar vazirligi Tehron Kobul va Islomobod o'rtasidagi keskinlikni kamaytirishda vositachilik rolini o'ynashga tayyorligini va bu yo'nalishda konstruktiv yordam ko'rsatish uchun barcha sa'y-harakatlarini ayamasligini ma'lum qildi.

Eron Tashqi ishlar vazirligi vakili Ismoil Bag'ayi haftalik matbuot anjumanida Pokiston va Afg'oniston o'rtasidagi mojarolarni hal qilishda Eronning mumkin bo'lgan roli haqida so'ralganda, shunday dedi:

"Eron tinchliksevar mamlakat va bizning jiddiy istagimiz atrofimizdagi mintaqada tinchlik va barqarorlik doimo saqlanib qolishidir."

Uning qo'shimcha qilishicha, Pokiston va Afg'oniston o'rtasidagi keskinlik Islom Respublikasi Oliy Rahbarining Yangi yil tabrigida (Navro'z munosabati bilan) asosiy mavzulardan biri bo'lgan va Eron ilgari tomonlar o'rtasida tinchlik o'rnatishga ko'maklashishga tayyorligini bildirgan edi.

Uning so'zlariga ko'ra,

"Eron Islom Respublikasi Pokiston va Afg'oniston o'rtasidagi keskinlikni kamaytirish va barqarorlikni mustahkamlash uchun qo'lidan kelgan har qanday yordamni ko'rsatishga tayyor va bu jarayondagi konstruktiv rolidan voz kechmaydi."

Surat: Caspian Post