Namangan davlat texnika universitetida Oliy ta’lim, fan va innovatsiyalar vaziri Qo‘ng‘irotboy Sharipovning sayyor qabuli o‘tkazildi. Tadbir aralash shaklda bo‘lib o‘tdi — unda vazirlik markaziy apparati vakillari onlayn tarzda qatnashdilar.

Uchrashuv davomida professor-o‘qituvchilar, talabalar va mutaxassislar tomonidan ta’lim tizimini rivojlantirishga qaratilgan bir qator tashabbuslar ilgari surildi. Ular orasida Is’hoqxon Ibrat nomidagi davlat stipendiyasini joriy etish, texnika va muhandislik yo‘nalishlari talabalarining xorijda amaliyot o‘tashini kengaytirish, yoshlar o‘rtasida “Ijodiy g‘oyalar” festivalini o‘tkazish, shuningdek, harbiy kafedralar tashkil etish va birinchi kursdan boshlab “Oila psixologiyasi” fanini o‘qitishni yo‘lga qo‘yish kabi takliflar bor.

Bundan tashqari, texnikumlarda qo‘shma ta’lim dasturlarini ochish va xorijiy talabalar uchun o‘quv adabiyotlari sonini ko‘paytirish taklif etildi.

Манбаъ: https://caravan-info.uz