O'zbekiston milliy terma jamoasi Niderlandiyaga qarshi o'rtoqlik o'yinida to'liq ko'k rangli formalarda maydonga tushadi. Bu haqda o'yindan oldingi tashkiliy yig'ilishdan so'ng ikkala jamoa vakillari va o'yin rasmiylari ishtirokida e'lon qilindi.

Yig'ilish davomida tashkiliy masalalar muhokama qilindi va raqiblarning liboslari tasdiqlandi. O'zbekiston terma jamoasi darvozaboni maydonga yashil rangda tushadi.

O'zbekiston va Niderlandiya o'rtasidagi o'yin 8-iyun kuni bo'lib o'tadi va Toshkent vaqti bilan soat 23:45 da boshlanadi. O'zbekiston jamoasi uchun bu o'yin bo'lajak xalqaro turnirlar oldidan muhim sinov bo'ladi.

Surat: Futbol Federatsiyasi