Toshkent, 2026-yil 23-iyul – Karavan Info axborot agentligi. Oʻsh shahrida Oʻzbekiston Savdo-sanoat palatasi tomonidan Qirgʻizistondagi hamkor tashkilotlar bilan hamkorlikda tashkil etilgan oʻzbek-qirgʻiz biznes forumi boʻlib oʻtdi. Tadbirning eng yorqin jihati ikki mamlakat biznes vakillarini birlashtirgan B2B muzokaralari boʻldi.

Forumda Oʻzbekiston va Qirgʻizistondan 200 dan ortiq tadbirkorlar ishtirok etdi. Ular qurilish materiallari ishlab chiqarish, oziq-ovqat mahsulotlarini qayta ishlash, qishloq xoʻjaligi, toʻqimachilik, poyabzal, mebel, kimyo, farmatsevtika, elektrotexnika, logistika, turizm, savdo va xizmat koʻrsatish sohalarida hamkorlik imkoniyatlarini muhokama qilishdi.

Muzokaralar yakunida tomonlar mahsulot eksportini kengaytirish, import-eksport operatsiyalarini rivojlantirish, qo'shma ishlab chiqarish va investitsiya loyihalarini amalga oshirish bo'yicha kelishuvlarga erishdilar.

Forum davomida Oʻzbekiston tomoni tadbirkorlikni qoʻllab-quvvatlash, investitsiya muhitini yaxshilash va eksport salohiyatini rivojlantirish choralarini ham taqdim etdi, qirgʻiz biznesini Oʻzbekistondagi yangi loyihalarda ishtirok etishga taklif qildi.

Tadbirda ikki mamlakatning davlat idoralari, biznes uyushmalari va diplomatik missiyalari vakillari, jumladan, O'sh meri Janarabek Akayev, O'zbekistonning O'shdagi bosh konsuli Zafarbek Ahmedov va O'zbekiston Kichik biznes assotsiatsiyasi raisi o'rinbosari Muzaffarxon Musayev ishtirok etdi.

Surat: O'zbekiston Savdo-sanoat palatasi