Toshkent, 2026-yil 24-iyul – Karavan Info axborot agentligi. Energetika vazirligi huzuridagi Qayta tiklanadigan energiya milliy tadqiqot institutida Oʻzbekiston-Xitoy qoʻshma ilmiy-tadqiqot laboratoriyasi ochildi.

Laboratoriya Ichki Mongoliya Texnologiya Universiteti bilan hamkorlikda "Bir kamar, bir yo'l" tashabbusi doirasida tashkil etilgan.

Yangi tadqiqot markazining asosiy maqsadi qayta tiklanadigan energiya sohasida qoʻshma tadqiqotlar oʻtkazish va zamonaviy texnologiyalarni ishlab chiqishdir. Olimlar quyosh, shamol va vodorod energiyasi, energiyani saqlash texnologiyalari, aqlli tarmoqlar va sunʼiy intellektni energetikada qoʻllash boʻyicha loyihalar ustida ishlaydi.

Tadqiqotlardan tashqari, laboratoriya zamonaviy ilmiy infratuzilmani yaratish, mutaxassislarni tayyorlash va ilg'or energiya texnologiyalarini joriy etishga ham e'tibor qaratadi.

Surat: Oʻzbekiston Energetika vazirligi