2 декабр куни Бишкекда бўлиб ўтган Қозоғистон-Қирғизистон бизнес форумида қиймати 8,2 миллион доллардан ортиқ тижорат шартномалари имзоланди. Форум Қозоғистон Республикаси савдо ва интеграция вазирлиги, QazTrade ва Қирғизистон савдо-саноат палатаси томонидан ташкил этилган уч кунлик савдо-иқтисодий миссиянинг чўққиси бўлди.

Тадбирда икки мамлакатнинг 80 та компанияси вакиллари, шунингдек, савдо ва интеграция вазирининг ўринбосари Қайрат Торебаев бошчилигидаги Қозоғистон делегацияси иштирок этди. «Форум икки томонлама ҳамкорлигимиз истиқболларини муҳокама қилиш учун муҳим майдонга айланди. Ишончим комилки, имзоланган шартномалар янги қўшма лойиҳалар учун рағбат бўлади», – деди Торебаев.

Форумда В2В учрашувлари бўлиб ўтди, унда 30 та Қозоғистон компанияси қирғиз шериклари билан музокаралар ўтказди. Турли соҳаларда еттита битим имзоланди, бу эса томонларнинг иқтисодий алоқаларни ривожлантиришга катта қизиқишини таъкидлайди.

Сурат: ҚР Савдо ва интеграция вазирлиги