Қозоғистон Республикаси саноат ва қурилиш вазири Канат Шарлапаев бугун Словакия Бош вазирининг ўринбосари Роберт Калиняк билан учрашди. Музокаралар чоғида ҳарбий-саноат соҳасидаги икки томонлама ҳамкорликни кенгайтириш истиқболлари муҳокама қилинди.

Қўшма лойиҳалар ва илғор технологиялар алмашинуви масалаларига алоҳида эътибор қаратилди. Томонлар ишлаб чиқариш саноатида ҳамкорликни ривожлантириш, шу жумладан ишлаб чиқаришни маҳаллийлаштириш ва юқори технологияли корхоналарни бошқариш бўйича тажриба алмашишдан манфаатдор эканликларини билдирдилар.

Вазирлар икки мамлакатнинг иқтисодий ва саноат ривожланиши учун икки томонлама муносабатларни мустаҳкамлаш муҳимлигини таъкидладилар.

Сурат: ҚР Саноат ва қурилиш вазирлиги