AFG'ONISTON, 2026-yil 20-avgust – Karavan Info axborot agentligi. Pokiston Ichki ishlar vazirligining xabar berishicha, hozirda mamlakatda taxminan 1,9 million afg'on fuqarosi istiqomat qiladi.

Agentlik ma'lumotlariga ko'ra, oxirgi bosqichda 250 362 afg'onistonlik Pokistondan Afg'onistonga ixtiyoriy yoki majburan qaytgan.

Geo News tomonidan Pokiston Ichki ishlar vazirligiga tayanib e'lon qilingan ma'lumotlarga ko'ra, 759 193 afg'onistonlik PoR (ro'yxatdan o'tishni tasdiqlovchi hujjat) kartalariga, 730 391 nafari esa ACC (Afg'oniston fuqaroligi kartasi) kartalariga ega.

Taxminan 294 796 afgʻonistonlik Pokistonga viza bilan kirgan, ammo ularning vizalari muddati tugagan yoki yangilanish jarayonida.

Bundan tashqari, Pokistonda taxminan 100 ming ro'yxatdan o'tmagan afg'on fuqarolari bor.

Pokiston Ichki ishlar vazirligi ma'lumotlariga ko'ra, afg'on qochqinlarini qaytarish kampaniyasining birinchi bosqichi doirasida 879 216 afg'onistonlik mamlakatni tark etgan yoki chiqarib yuborilgan.

77 000 dan ortiq afg'onistonliklar tibbiy davolanish, o'qish va biznes uchun viza oldilar. Yana 3740 afg'onistonlik ketganidan keyin Pokistonga viza bilan qaytdi.

Surat: Getty Images