AFG'ONISTON, 2026-yil 4-avgust – Karavan Info axborot agentligi. Pokistonning Afg'oniston bo'yicha maxsus vakili Muhammad Sodiq Xitoy rasmiylari bilan Afg'onistondan kelgan Tahriki Tolibon Pokiston (TTP) va Sharqiy Turkiston Islom Harakati (ETIM) faoliyatidan kelib chiqadigan tahdidlarni muhokama qilganini aytdi.

Muhammad Sodiq oʻzining ijtimoiy tarmoqdagi akkauntida Islomobodda Xitoyning Afgʻoniston boʻyicha maxsus vakili Yu Syaoyng va uning delegatsiyasi bilan mintaqaviy xavfsizlik masalalari va soʻnggi voqealar boʻyicha “foydali muzokaralar” olib borganini yozdi.

Uning so'zlariga ko'ra, tomonlar Pokiston Afg'onistondan faoliyat yuritayotganini da'vo qilayotgan TTP* va ETIM* tahdidlariga qarshi kurashish bo'yicha fikr almashishdi.

Muhammad Sodiq Pokiston va Xitoy terroristik tahdidlarning oldini olish hamda mintaqada tinchlik, xavfsizlik va barqarorlikni ta'minlash uchun muvofiqlashtirishni kuchaytirish va hamkorlikni chuqurlashtirishga kelishib olganliklarini qo'shimcha qildi.

*Rossiya Federatsiyasida taqiqlangan tashkilot.

Surat: Muhammad Sodiqning ijtimoiy tarmoqdagi akkauntidan