MOSKVA, 2026-yil 6-sentabr – Karavan Info axborot agentligi. 5-sentabr kuni AQSh Prezidentining maxsus vakili Stiv Vitkoff va AQSh vakili Jared Kushner Moskvaga kelishdi.

Delegatsiyani Rossiya to'g'ridan-to'g'ri investitsiyalar jamg'armasi rahbari va Rossiya Prezidentining xorijiy davlatlar bilan investitsiya va iqtisodiy hamkorlik bo'yicha maxsus vakili Kirill Dmitriev kutib oldi.

AQSh vakillari Kremlda Rossiya prezidenti Vladimir Putin bilan muzokaralar oʻtkazdilar. Uchrashuv uch soatu 10 daqiqa davom etganini Rossiya prezidenti yordamchisi Yuriy Ushakov 6-sentabr kuni maʼlum qildi.

Uning so'zlariga ko'ra, suhbat mazmunli, konstruktiv va ishonchli muhitda o'tdi.

Tomonlar ishchi formatda ham, norasmiy sharoitda ham bir qator jiddiy masalalarni muhokama qilishdi.

Ushakov Putin AQSh prezidenti Donald Trampga eng ezgu tilaklarini yetkazganini va uning Ukraina masalasini hal qilishdagi sa'y-harakatlari uchun minnatdorchilik bildirganini ta'kidladi.

Surat: Mixail Metzel/TASS