Bishkek, 2026-yil 14-oktabr – Karavan Info axborot agentligi. Qirgʻiziston va Bangladesh toʻqimachilik va farmatsevtika sanoatini qoʻshma loyihalar uchun eng istiqbolli sohalar qatoriga kiritdilar. Bu haqda Qirgʻiziston Tashqi ishlar vazirligi 13-oktabr kuni Bishkekda boʻlib oʻtgan siyosiy maslahatlashuvlardan soʻng xabar berdi.

Bu ikki mamlakat tashqi ishlar vazirliklari oʻrtasidagi ikkinchi siyosiy maslahatlashuvlardir. Qirgʻiziston delegatsiyasiga tashqi ishlar vaziri oʻrinbosari Qayrat Tursunqulov, Bangladesh delegatsiyasiga esa tashqi ishlar vaziri oʻrinbosari Asad Alam Siam boshchilik qildi.

Tomonlar ikki tomonlama munosabatlarning holati va istiqbollarini, shuningdek, Qirgʻiziston va Bangladesh oʻrtasidagi koʻp tomonlama formatdagi oʻzaro aloqalarni muhokama qilishdi.

Amaliy hamkorlikni rivojlantirishga, jumladan, qoʻshma savdo-iqtisodiy va investitsiya loyihalarini amalga oshirishga alohida eʼtibor qaratildi. Toʻqimachilik va farmatsevtika sanoati istiqbolli sohalar sifatida belgilandi.

Madaniy va gumanitar aloqalar ham muhokama qilindi. Tomonlar bangladeshlik talabalarning Qirgʻiziston universitetlarida oʻqishini taʼkidladilar.

Maslahatlashuvlar yakunida Qirgʻiziston va Bangladesh Tashqi ishlar vazirliklari oʻrtasida 2027–2028-yillarga moʻljallangan hamkorlik dasturi imzolandi.

Bundan tashqari, ikki mamlakat diplomatik akademiyalari o'rtasida hamkorlik memorandumi imzolandi.

Surat: Qirg'iziston Respublikasi Tashqi ishlar vazirligi