MARKAZIY OSIYO, 2026-yil 13-oktabr – Karavan Info axborot agentligi. Qirgʻiziston Vazirlar Mahkamasi huzuridagi Davlat bojxona xizmati va Oʻzbekiston Iqtisodiyot va moliya vazirligi huzuridagi Bojxona qoʻmitasi 2027–2028-yillarga moʻljallangan hamkorlik boʻyicha Yoʻl xaritasini imzoladilar. Hujjat 12-oktabr kuni Bishkekda Turkiy davlatlar tashkiloti bojxona boshqarmalari rahbarlarining 12-yigʻilishi doirasida imzolandi.

Yo'l xaritasi bojxona ma'muriyatchiligi, raqamlashtirish, axborot almashinuvi va bojxona nazoratini takomillashtirish sohasida hamkorlikni rivojlantirishni nazarda tutadi. Shuningdek, chegara o'tish punktlarining o'tkazish qobiliyatini oshirish va bojxona tartib-qoidalarini soddalashtirish rejalashtirilgan.

“Yagona darcha” tamoyilini joriy etish, vakolatli iqtisodiy operatorlarni oʻzaro tan olish, kontrabandaga qarshi kurash samaradorligini oshirish, shuningdek, tajriba almashish va kadrlar tayyorlashga alohida eʼtibor qaratilmoqda.

Hujjatning amalga oshirilishi ikki mamlakat bojxona organlari o'rtasidagi hamkorlikni mustahkamlash, bojxona ma'muriyatchiligi samaradorligini oshirish va o'zaro savdoni rivojlantirish uchun qulay sharoitlar yaratishga xizmat qilishi kutilmoqda.

Surat: Qirg'iziston Respublikasi Davlat bojxona xizmati