Ostona, 2026-yil 6-may – Karavan Info axborot agentligi. Qozogʻiston prezidenti Qosim-Jomart Tokayev Tojikiston Respublikasi bilan ittifoqchilik munosabatlari toʻgʻrisidagi shartnomani ratifikatsiya qilish toʻgʻrisidagi qonunni imzoladi. Bu haqda Akorda rasmiy matbuot xizmati xabar berdi. Avvalroq, oʻsha yilning 16-aprelida hujjat Qozogʻiston Respublikasi Parlamenti Senatining yalpi majlisida tasdiqlangan edi.

Ushbu shartnomani ratifikatsiya qilish ikki tomonlama hamkorlikni har tomonlama rivojlantirishga kuchli turtki berish va siyosiy muloqotni chuqurlashtirish uchun mustahkam poydevor yaratishga qaratilgan. Shartnomada savdo-iqtisodiy aloqalarni mustahkamlashga va ikki mamlakat tadbirkorlari uchun eng qulay sharoitlarni yaratishga alohida e'tibor qaratilgan. Bundan tashqari, hujjat ikki mamlakat o'rtasidagi mintaqaviy xavfsizlik va barqaror iqtisodiy rivojlanishni ta'minlashda yaqin hamkorlikni tartibga soladi.

Surat : Akorda