Minsk, 2026-yil 11-sentabr – Karavan Info axborot agentligi. Minskda Mustaqil Davlatlar Hamdo'stligi (MDH) Davlat arxiv xizmatlari rahbarlari maslahat kengashining 22-yig'ilishi bo'lib o'tdi. Unda Qozog'iston, Ozarbayjon, Armaniston, Belarus, Qirg'iziston, Rossiya, Tojikiston, O'zbekiston va MDH Ijroiya qo'mitasining vakillari ishtirok etdi.

Qozogʻiston delegatsiyasi mamlakatda arxiv ishlarini rivojlantirishning asosiy yoʻnalishlari va sohani takomillashtirishga qaratilgan saʼy-harakatlar haqida maʼlumot berdi. “Milliy arxiv kolleksiyalarini saqlash: amaliyot va istiqbollar” xalqaro ilmiy-amaliy konferensiyasida Qozogʻiston Milliy arxiv fondidagi hujjatlarning holati va saqlanishi haqidagi hisobot ham taqdim etildi.

Ishtirokchilar zamonaviy texnologiyalarni joriy etish, arxiv kolleksiyalarining saqlanishini ta'minlash va hujjatlarga kirishni kengaytirish masalalarini muhokama qilishdi. Axborot tizimlari va elektron xizmatlarni rivojlantirishga, shuningdek, arxiv hujjatlarini qayd etish, saqlash va ulardan foydalanish jarayonlarini takomillashtirishga alohida e'tibor qaratildi.

Surat : Qozog'iston Respublikasi Madaniyat va axborot vazirligi