Россия ҳукумати томонидан Давлат Думасига тақдим этилган бюджет пакетининг ҳужжатларига кўра, 2025 йилда 19 та миллий лойиҳани амалга ошириш қиймати 5,765 триллион рублни ташкил қилади. 2026 ва 2027 йилларда ушбу ажратмалар мос равишда 6,3 ва 6,35 триллион рублгача ошади.

Келгуси йилда маблағларнинг катта қисми ижтимоий лойиҳаларга йўналтирилади. «Оила” лойиҳаси 2,83 триллион рубль, «Ёшлар ва болалар» 0,46 триллион, «Узоқ ва фаол ҳаёт » — 0,37 триллион рубль олади. Ҳаёт учун инфратузилма лойиҳаси учун ҳам катта маблағ ажратилади — 1,17 триллион рубль.

Tранспорт соҳасида учта лойиҳа 0,327 триллион рубль миқдорида молиялаштирилади. Саноат ва юқори технологиялар ҳам қўллаб-қувватланади: ушбу соҳадаги лойиҳалар учун 0,112 триллион рубль ажратилди.

Бундан ташқари, молиялаштириш иқтисодиёт соҳасидаги лойиҳаларга, шу жумладан «халқаро ҳамкорлик ва экспорт», «самарали ва рақобатбардош иқтисодиёт» ва «давлатнинг рақамли трансформацияси» га йўналтирилади.

Сурат: Pixabay.com/stevepb