Yangi yil bayramlari arafasida yo‘lovchilarga qulaylik yaratish maqsadida “Toshkent” avtovokzalidan mamlakatimizning turli hududlariga qo‘shimcha avtobus qatnovlari tashkil etiladi. Har kuni shaharlararo yo‘nalishlarga mavjud 53 ta qatnovdan tashqari 20 dan ortiq qo‘shimcha qatnovlar amalga oshiriladi.

Uzautotrans Service kompaniyasi Toshkent-Navoiy, Toshkent-Zomin, Toshkent-Jarqo‘rg‘on, Toshkent-Shahrisabz, Toshkent-Qarshi, Toshkent-Qoraqo‘l, Toshkent-Termiz, Toshkent-Denov, Toshkent-G‘uzor va Toshkent-Uzun yo‘nalishlarida qatnovlar sonini ko‘paytiradi. Qo‘shimcha qatnovlar yo‘lovchilar oqimiga qarab joriy etiladi.

Chiptalarni avtovokzal kassalari orqali, shuningdek, ATTO va UzBus ilovalarida onlayn xarid qilish mumkin.