“Chorsu” maydonini rekonstruksiya qilish loyihasi taqdimot qilindi. Rejaga ko‘ra, maydonda mehmonxona, biznes markazi va uy-joylar quriladi.

Loyiha Germaniyaning Tchoban Voss Architekten arxitektura kompaniyasi tomonidan ishlab chiqilgan. Qurilish ishlari 2025 yilda boshlanib, 2029 yilda yakunlanadi. Loyihaning umumiy qiymati 170 million dollardan oshadi.

Rekonstruksiya jarayonida “Chorsu” mehmonxonasining hozirda qarovsiz qolgan eski binosi buziladi, ammo uning tarixiga bag‘ishlangan muzey tashkil etiladi. Eski mehmonxona o‘rnida yangi mehmonxona, shuningdek, Jar sport majmuasi hududida quriladigan boshqa inshootlar paydo bo‘ladi.