Toshkentdagi “Universal” sport majmuasida kurash bo‘yicha O‘zbekiston Respublikasi Prezidenti sovrini uchun World Series Pro turnirining yakuniy bosqichi bo‘lib o‘tdi. Musobaqa dunyoning turli burchaklaridan kelgan eng kuchli kurashchilarni bir joyga to‘pladi.

Turnirning ochilish marosimida Xalqaro kurash uyushmasi birinchi vitse-prezidenti, Sport vaziri Adham Ikromov, Bosh prokuror va Kurash federatsiyasi raisi Nig‘matilla Yo‘ldoshev hamda mintaqaviy konfederatsiyalar vakillari nutq so‘zladilar.

Musobaqada 17 mamlakatdan 80 nafar sportchi ishtirok etdi. Turnirning sovrin jamg‘armasi 170 ming AQSH dollarini tashkil qildi. Qizg‘in bellashuvlar natijasida, O‘zbekiston milliy terma jamoasi 8 ta oltin, 2 ta kumush va 2 ta bronza medalini qo‘lga kiritib, umumjamoa hisobida birinchi o‘rinni egalladi.