Toshkentda “Markaziy Osiyoda ‘yashil’ o‘tish va rivojlanishni qo‘llab-quvvatlash uchun muhim xomashyo sektoridagi xavflarni kamaytirish” mavzusida mintaqaviy maslahatlar bo‘lib o‘tdi.

Tadbirda kon-metallurgiya sanoati va geologiya vaziri o‘rinbosari Ural Yusupov, BMTning Afg‘oniston, Markaziy Osiyo, Eron va Pokiston bo‘yicha mintaqaviy vakili Oliver Shtolpe, shuningdek, Qozog‘iston, Qirg‘iziston va Turkmaniston delegatsiyalari ishtirok etdilar.

Maslahatlar besh sessiya shaklida tashkil etildi, unda ishtirokchilar xomashyo sohasidagi muhim tashabbuslarni, Markaziy Osiyoning ushbu sohadagi salohiyatini, shuningdek, ekologik, ijtimoiy va boshqaruv xatarlarini muhokama qildilar. Mintaqaviy muammolarni samarali hal etish uchun hamkorlikni mustahkamlash masalalariga ham alohida e’tibor qaratildi.