Vashingtonda O‘zbekiston Investitsiyalar vazirligi vakillari “CNH Industrial”, “Abbott”, “Medtronic”, “Coca-Cola”, “Boeing” va boshqa yirik Amerika kompaniyalari vakillari bilan davra suhbatida qatnashdi. Ishtirokchilar orasida Oq uy, Davlat departamenti, AQSH Savdo vazirligi va CLDP dasturi rasmiy shaxslari ham bor edi.

Vazir maslahatchisi Abdulla Hoshimov, Tashqi ishlar vaziri o‘rinbosari Muzaffar Madrahimov va elchi Furqat Siddiqov amerikalik hamkorlar bilan iqtisodiy aloqalar masalalarini muhokama qildilar. AQSH Davlat kotibi yordamchisining o‘rinbosari Metyu Pomershaym yaqinda bo‘lib o‘tgan O‘zbekiston-AQSH strategik sheriklik muloqotining IV bosqichini yuqori baholadi. Bu format xususiy sektor hamkorligini faollashtirish, savdoni rivojlantirish va investitsion hamkorlikni kengaytirish uchun kengaytiriladi.

AQSH Savdo vazirligi bo‘limi direktori Metyu Edvards O‘zbekistonda amalga oshirilayotgan islohotlar mamlakatlar o‘rtasidagi strategik sheriklikni chuqurlashtirish uchun zamin yaratayotganini ta’kidladi. O‘zbekiston delegatsiyasining Las-Vegasdagi “Mine Expo” ko‘rgazmasida muvaffaqiyatli ishtiroki, shuningdek, O‘zbekistonga yangi savdo missiyasini tashkil etish rejalariga alohida e’tibor qaratildi.

Oq uy vakili Brendi Todd hamkorlikni mustahkamlash uchun xususiy kompaniyalar va davlat tuzilmalari o‘rtasidagi muloqotning ahamiyatini ta’kidladi. “Apple” kompaniyasining xalqaro aloqalar bo‘yicha direktori Jessika Kun raqamli platformalarni tartibga solishning ijobiy jihatlari va O‘zbekiston hukumati bilan samarali hamkorlik haqida fikr bildirdi.

Uchrashuv yakunida O‘zbekistonda yangi biznes-forum o‘tkazish va AQShning yetakchi korporatsiyalari ishtirokida qo‘shma investitsiya loyihalarini ishlab chiqish bo‘yicha kelishuvlarga erishildi.