Астана, 2026 жылғы 6 тамыз – Karavan Info ақпараттық агенттігі. «Қазақстан темір жолы» ҰК» АҚ Екібастұздан Ұлыбританияға қазақстандық минералды тыңайтқыштарды жеткізудің алғашқы мультимодальды бағытын іске қосты. Жүк тасымалдау Транскаспий халықаралық көлік бағыты бойынша теміржол және теңіз көлігі арқылы жүзеге асырылады.

Жүк Қазақстан, Каспий теңізі, Әзірбайжан және Грузия арқылы өтеді, содан кейін Поти және Батуми порттары арқылы британдық Феликстоу портына жөнелтіледі.

«Жаңа бағыт отандық компаниялардың Ұлыбритания нарығына өнім жеткізу мүмкіндігін кеңейтті және халықаралық логистикалық тізбектердің тұрақтылығын арттырды», — деп хабарлады «Қазақстан темір жолы» ҰК» АҚ.

Компания Транскаспий халықаралық көлік бағытын дамыту жеткізу мерзімдерін қысқартуға және экспорттық жөнелтімдерді әртараптандыруға мүмкіндік беретінін атап өтті. ҚТЖ бұрын Екібастұз-Майами бағыты бойынша қазақстандық өнімдерді тасымалдауды ұйымдастырған, ал қазіргі уақытта АҚШ, Ұлыбритания, Бельгия, Польша, Чехия және басқа да елдерге жүк тасымалын жүзеге асырады.

Фото: «Қазақстан темір жолы» ҰК» АҚ