Душанбе, 23 сентябр, – АИ «Корвон Иттилоот». Тоҷикистон дар Бозиҳои XX-уми осиёии соли 2026 аввалин медали тиллои худро ба даст овард.

Медали олии ҳайати мунтахаби кишварро Мирзобек Умаров соҳиб шуд, ки дар мусобиқаҳои муҳорибаҳои омехта (MMA Modern) дар вазни то 60 килограмм пирӯзӣ ба даст овард.

Дар рақобати ниҳоӣ варзишгари тоҷик бо намояндаи Ӯзбекистон Фирдавс Атамуратов рӯ ба рӯ шуд. Умаров дар муҳорибаи ҳалкунанда бо ҳисоби 3:0 пирӯз шуда, медали тиллои мусобиқаҳои қитъавиро ба даст овард.

Барои Тоҷикистон ин медал аввалин нишони тиллоӣ дар Бозиҳои осиёии имсола ба шумор меравад. Пирӯзии Умаров ҳамчунин ба рӯйхати медалҳои тиллои Тоҷикистон дар таърихи иштироки кишвар дар Бозиҳои тобистонаи осиёӣ боз як медали тиллоро зам кард.

Бозиҳои осиёии соли 2026 дар Ҷопон баргузор шуда, варзишгарон аз кишварҳо ва минтақаҳои гуногуни Осиёро ба ҳам овардаанд. Ба барномаи мусобиқа даҳҳо навъи варзиш ворид шуда, дар онҳо барои ба даст овардани медалҳои қаҳрамонии қитъавӣ рақобат идома дорад.

Иштироки ҳайати мунтахаби Тоҷикистон дар мусобиқаҳо идома дорад. Варзишгарони кишвар дар намудҳои гуногуни варзиш баромад карда, барои ба даст овардани медалҳои Азиада мубориза мебаранд.

Акс: Варзиш TV.