Ташкент, 2026 жылғы 13 тамыз – Karavan Info ақпараттық агенттігі. Қазақстандық ауыр атлет Ақжол Құрманбек Өзбекстанның Ташкент қаласында өткен жасөспірімдер арасындағы Азия чемпионатында жеңіске жетті.

Спортшы 85 келі салмақ дәрежесінде бақ сынасып, жалпы 358 келімен (жұлқа көтеруде 160 келі және серпе көтеруде 198 келі) бірінші орынды иеленді. Екінші орынды 357 келі көтерген өзбекстандық Хикматилло Хайдаров (161+196) иеленді. Тағы бір спортшы Ерасыл Сәулебеков осы санаттағы Қазақстан қоржынына тағы бір медаль қосты, жалпы 351 келі (154+197) көрсеткішпен қола медаль жеңіп алды.

Бұған дейін осы құрлықтық чемпионатта ұлттық құрама үшін жүлделі орындарды Төрехан Асанхан, Бейбарыс Ерсейіт, Снежана Қошқарова, Ксения Прозорова және Нұрсила Берікбол жеңіп алған болатын.

Сурет : Азия ауыр атлетика федерациясы