Ташкент, 2026 жылғы 11 тамыз – Karavan Info ақпараттық агенттігі. Қазақстан ұлттық ауыр атлетика құрамасы Өзбекстанның Ташкент қаласында өткен жасөспірімдер арасындағы Азия чемпионатында екі медаль жеңіп алды.
Әйелдер арасындағы 57 келі салмақ дәрежесінде қазақстандық спортшы Снежана Қошқарова жеңіске жетті. Ол жалпы есепте 200 келіні (жұлқа көтеруде 88 келі және серпе көтеруде 112 келі) көтерді.
Осы салмақ дәрежесінде қазақстандық Нұрсила Берікбол қола медаль жеңіп алды. Оның қорытынды нәтижесі 176 келі болды (жұлқа көтеруде 77 келі және серпе көтеруде 99 келі).
Бұған дейін осы құрлықтық чемпионатта 65 келі салмақта бақ сынаған қазақстандық ауыр атлет Бейбарыс Ерсейіт алтын медаль жеңіп алып, Азия рекордтарын орнатқан болатын.
Фото : ҚР ҰОК