Астана, 2026 жылғы 2 қазан – Karavan Info ақпараттық агенттігі. Бозок мемлекеттік тарихи-мәдени мұражай-қорығында Түркияның Соргун қаласынан келген делегациямен кездесу өтті. Тараптар Бозок қонысын зерттеудегі ғылыми ынтымақтастықты одан әрі дамыту мәселелерін талқылады. Бірлескен зерттеулерге, тарихи және археологиялық материалдармен жұмыс істеуге, сондай-ақ Қазақстан мен Түркия ғалымдары арасында тәжірибе алмасуға ерекше назар аударылды.

Бозоқ қонысының тарихи-мәдени мұрасын сақтау және насихаттау, бірлескен ғылыми бастамаларды жүзеге асыру мәселелері бөлек талқыланды. Сапар барысында делегацияға Ашық аспан астындағы ұлттық саябақ жобасының қазіргі кезеңі таныстырылды. Қонақтарға құрылыс жұмыстарының барысы және одан әрі дамыту жоспарлары туралы ақпарат берілді.

Фото : Қазақстан Республикасы Мәдениет және ақпарат министрлігі