Астана, 2026 жылғы 3 шілде – Karavan Info ақпараттық агенттігі. Қасым-Жомарт Тоқаев Александр Лукашенконы Беларусь Республикасының Тәуелсіздік күнімен құттықтады.
«Бұл айтулы күн беларусь халқының бірлігінің, ұлттық рухтың төзімділігінің және елдің жасампаздық пен прогресс жолындағы сенімді ілгерілеуінің жарқын символы болып табылады. Қазақстан бауырлас беларусь халқына, оның ерекше мәдениетіне және бай дәстүрлеріне жоғары құрметпен және жылылықпен қарайды», — делінген жеделхатта.
Мемлекет басшысы Қазақстан мен Беларусь арасындағы достық пен стратегиялық серіктестік рухында үнемі нығайып келе жатқан ынтымақтастықтың өнімді және өзара тиімді сипатын атап өтті. Қазақстан Президенті Александр Лукашенкоға жауапты мемлекеттік қызметінде табысқа жетуді, ал Беларусь халқына әл-ауқат пен гүлденуді тіледі.
Фото: Хабар агенттігі