Мемлекет басшысы Беларусь сыртқы істер министрі Максим Рыженковты қабылдады.
«Біз сізбен барлық салалардағы ынтымақтастыққа басымдық береміз және Беларусь мемлекеттілігіне, сіздің ерекше мәдениетіңізге және тарихыңызға құрметпен қараймыз. Бүгінде біздің өзара іс-қимылымыздың, әсіресе экономикалық саладағы прогрессивті қарқынына қанағаттанушылық білдіруге толық негіз бар деп санаймын. Осы мүмкіндікті пайдаланып, Беларусь мемлекетінің басшысы Александр Григорьевич Лукашенкоға сәлемім мен ізгі тілектерімді жеткізгім келеді. Мамыр айында біз Жоғары Еуразиялық экономикалық кеңестің отырысын өткіземіз. Көпжақты күн тәртібінен басқа, біз елдеріміз арасындағы қарым-қатынастарды дамытуға қатысты басқа да мәселелерді талқылаймыз деп ойлаймын», — деді Мемлекет басшысы.
Қасым-Жомарт Тоқаев белсенді, сенімді диалогты жалғастыру және жоғары деңгейде қол жеткізілген келісімдерді іс жүзінде жүзеге асыруды үйлестіру қажеттілігін атап өтті.
