Астана, 2026 жылғы 15 маусым – Karavan Info ақпараттық агенттігі. Қазақстан Президенті Қасым-Жомарт Тоқаев Қытай Халық Республикасының Төрағасы Си Цзиньпинге туған күніне орай құттықтау жеделхатын жолдады.

Мемлекет басшысы өз құттықтауында Си Цзиньпиннің екі ел арасындағы достыққа, тату көршілікке және өзара қолдауға негізделген мәңгілік жан-жақты стратегиялық серіктестікті нығайтуға қосқан жеке үлесін атап өтті.

Тоқаев екіжақты ынтымақтастықтың нығайып, жаңа салаларға кеңейетініне сенім білдірді. Ол Си Цзиньпинге мемлекеттік қызметінде табыс, ал Қытай халқына әл-ауқат пен гүлдену тіледі.

Фото : Ақорда