Гендердик теңчиликте эмгек мамилелери кандай жөнгө салынышы керек?

Гендердик теңчилик – аял менен эркектин бирдей укуктук статусу жана аны иш жүзүнө ашыруу үчүн бирдей мүмкүнчүлүктөр, башкача айтканда, аялдар менен эркектерге жынысына карабастан, жашоо турмуштун саясий, экономикалык, эмгектик, социалдык, коомдук жана маданий чөйрөлөргө катышуу үчүн өз жөндөмдүүлүгүн эркин пайдаланууга мүмкүнчүлүктүн берилиши.

Гендердик дискриминация деген эмне?

Гендердик дискриминация (түз, кыйыр)-тараптардын укуктары менен кызыкчылыктарын жыныс белгилери боюнча чектей турган артыкчылык берүү же чектөөчү айырмалоо; таанууну алсыратууга же андан ажыратууга багытталган; саясий, экономикалык, социалдык, маданий, жарандык жана башка коомдук турмуштун ар башка жааттарында аялдар менен эркектердин тең укуктуулугунан пайдалануу.