ООГАНИСТАН, 2026-жылдын 18-августу – Karavan Info маалымат агенттиги. Талибан өкмөтүнүн административдик иштер боюнча вице-премьер-министри Абдулсалам Ханафи Бамиян университетинин 1225 студенти үчүн бүтүрүү аземинде Ооганстан ар кандай тармактардагы жаш адистерге абдан муктаж экенин билдирди. Ал бүтүрүүчүлөрдү алган билимдерин өлкөнүн өнүгүшүнө колдонууга чакырды.
Ооганстандын Жогорку билим берүү министрлиги дүйшөмбү күнү, 17-августта, Бамиян университетинин ар кайсы факультеттеринен 1225 студент окуусун аяктаганын жарыялады.
Талибандын жогорку билим берүү министри Неда Мохаммад Надим бүтүрүүчүлөр жашоосундагы маанилүү жана татаал этапты аякташкандыгын жана алган билимдерин кесиптик ишмердүүлүгүндө колдонушу керектигин белгиледи.
Анын айтымында, бийлик ошондой эле Ооганстанда жаш адистердин өлкөдөн чыгып кетишин азайтуу жана өлкөнү зарыл болгон кадрлар менен камсыз кылуу үчүн магистрдик жана доктордук программаларды кеңейтүү боюнча иштеп жатат.
Талибандын жогорку даражалуу расмий өкүлдөрүнүн билдирүүлөрү кыймыл бийликке келгенден кийин жүздөгөн квалификациялуу адистер Ооганстандан качып кеткен учурда айтылды. Көптөгөн мамлекеттик мекемелерде калган адистер кызматтарынан алынып, алардын ордуна молдолор менен карылар дайындалды.
Сүрөт: Tolo News