AFG'ONISTON, 2026-yil 18-avgust – Karavan Info axborot agentligi. Tolibon hukumatining ma'muriy ishlar bo'yicha bosh vazir o'rinbosari Abdulsalom Hanafi Bamiyan universitetining 1225 talabasi uchun o'tkazilgan bitiruv marosimida Afg'oniston turli sohalarda yosh mutaxassislarga juda muhtoj ekanligini aytdi. U bitiruvchilarni olgan bilimlarini mamlakat taraqqiyotiga tatbiq etishga chaqirdi.

Afgʻoniston Oliy taʼlim vazirligi 17-avgust, dushanba kuni Bamiyan universitetining turli fakultetlaridan 1225 talaba oʻqishni tugatganini eʼlon qildi.

Tolibon oliy ta'lim vaziri Neda Muhammad Nadim bitiruvchilar hayotlarining muhim va qiyin bosqichini yakunlaganliklari va olgan bilimlaridan professional faoliyatlarida foydalanishlari kerakligini ta'kidladi.

Uning so'zlariga ko'ra, rasmiylar Afg'onistonda yosh mutaxassislarning mamlakatni tark etishini kamaytirish va mamlakatni zarur kadrlar bilan ta'minlash maqsadida magistratura va doktorantura dasturlarini kengaytirish ustida ham ish olib bormoqda.

Tolibonning yuqori martabali amaldorlarining bayonotlari harakat hokimiyat tepasiga kelganidan keyin yuzlab malakali mutaxassislar Afg'onistonni tark etgan bir paytda yangradi. Ko'plab davlat idoralarida qolgan mutaxassislar lavozimlaridan chetlashtirildi va ularning o'rniga mullalar va qorilar tayinlandi.

Surat: Tolo News