БОРБОРДУК АЗИЯ, 2026-жылдын 24-августу – Karavan Info маалымат агенттиги. Кыргыз Республикасынын Президенти Садыр Жапаров Казакстан Республикасынын Президенти Касым-Жомарт Токаевди жана бир тууган казак элин Казакстан Республикасынын Курултайына депутаттарды шайлоонун ийгиликтүү өтүшү менен куттуктады.

«Жарандардын эркин билдирүүсүнүн негизинде түзүлгөн Курултай Казакстан Республикасынын мамлекеттүүлүгүн чыңдоого, укуктук жана коомдук-саясий институттарды өркүндөтүүгө, өлкөнүн туруктуу социалдык-экономикалык өнүгүшүн камсыз кылууга олуттуу салым кошот деп терең ишенем.

Сиздин жетекчилигиңиз астында жүргүзүлүп жаткан ырааттуу реформалар мамлекеттин узак мөөнөттүү кызыкчылыктарына, элдин жыргалчылыгын жогорулатууга жана өлкөнүн андан ары гүлдөп-өнүгүшүнө кызмат кылып жатканын кубаныч менен белгилейм.

Кыргыз-казак стратегиялык өнөктөштүгү жана союздаштыгы эки өлкөнүн элдеринин жыргалчылыгы үчүн, ошондой эле бүткүл Борбордук Азияда тынчтыкты, туруктуулукту жана өнүгүүнү камсыз кылуу кызыкчылыгында жаңы мааниге ээ болуп, туруктуу түрдө бекемделе берет деп үмүттөнөм.

Сизге чың ден соолук, бакубаттуулук жана коомдук ишмердүүлүгүңүздө ийгиликтерди, ал эми бир тууган Казакстан элине тынчтык жана гүлдөп-өнүгүүнү каалайм».

— деп айтылат президент Садыр Жапаровдун куттуктоосунда.

Сүрөт: Кыргыз Республикасынын Президентинин Администрациясы