MARKAZIY OSIYO, 2026-yil 24-avgust – Karavan Info axborot agentligi. Qirgʻiziston Respublikasi Prezidenti Sadir Japarov Qozogʻiston Respublikasi Prezidenti Qosim-Jomart Toqayev va qardosh qozoq xalqini Qozogʻiston Respublikasi Qurultoyiga deputatlar saylovlarining muvaffaqiyatli oʻtgani bilan tabrikladi.

“Fuqarolarning erkin xohish-irodasini ifoda etish asosida tuzilgan Qurultoy Qozogʻiston Respublikasi davlatchiligini mustahkamlashga, huquqiy va ijtimoiy-siyosiy institutlarni takomillashtirishga hamda mamlakatning barqaror ijtimoiy-iqtisodiy rivojlanishini taʼminlashga katta hissa qoʻshishiga chuqur ishonchim komil.

Sizning rahbarligingiz ostida amalga oshirilayotgan izchil islohotlar davlatning uzoq muddatli manfaatlariga, xalq farovonligini oshirishga va mamlakatning yanada gullab-yashnashiga xizmat qilayotganini mamnuniyat bilan ta'kidlayman.

Qirgʻiziston-Qozogʻiston strategik sherikligi va ittifoqi ikki mamlakat xalqlari manfaatlari yoʻlida, shuningdek, butun Markaziy Osiyoda tinchlik, barqarorlik va taraqqiyotni taʼminlash manfaatlari yoʻlida yangi mazmun kasb etib, izchil mustahkamlanib borishiga umid bildiraman.

Sizga sihat-salomatlik, farovonlik va davlat faoliyatingizda muvaffaqiyatlar, qardosh Qozog'iston xalqiga esa tinchlik va farovonlik tilayman.

— deyiladi Prezident Sadir Japarovning tabriknomasida.

Surat: Qirg'iziston Respublikasi Prezidenti ma'muriyati