ООГАНИСТАН, 2026-жылдын 24-июну – Karavan Info маалымат агенттиги. Орусиянын Коопсуздук кеңешинин катчысы ооган бийлиги баңгизаттарга каршы күрөштөгү милдеттенмелерин аткарганын жана Ооганстанда баңгизаттарды өндүрүүнү жана аткезчиликти негизинен жок кылууга жетишкенин билдирди.

Улуттук коопсуздук боюнча кеңешчилердин жыйынынан кийин сүйлөгөн сөзүндө Шойгу Ооган бийлиги баңгизаттарды аткезчилик менен жүгүртүүнү азайтуу боюнча кеңири чараларды көргөнүн белгиледи. Ал бул максатта атайын программа иштелип чыгып, ырааттуу түрдө ишке ашырылып жатканын кошумчалады.

Орусиянын Коопсуздук кеңешинин башчысы, жеткиликтүү маалыматтарга ылайык, Ооганстанда баңгизат өндүрүү жана аткезчиликтин көлөмү болжол менен 90 пайызга азайганын баса белгиледи.

Бул билдирүүлөр анын кырдаалга карата мурунку баалоосунан кескин айырмаланат. 26-майда Москвада өткөн эл аралык коопсуздук форумунун алкагында Шойгу Ооганстандагы кырдаал татаал бойдон калууда, ал эми баңги заттардын аткезчилиги, мыйзамсыз курал-жарак аткезчилиги жана эл аралык террористтик уюмдардын ишмердүүлүгү коркунучу сакталып жатканын билдирди.

Бийликке келгенден кийин, талиптер өлкө боюнча баңгизат өстүрүүгө, өндүрүүгө жана сатууга тыюу салгандыгын жарыялашкан. Эл аралык маалыматтар апийим өстүрүүнүн кескин төмөндөшүн көрсөтүп турат, бирок ал толугу менен жок болуп кеткен жок жана бир катар провинцияларда уланууда.

Бириккен Улуттар Уюмунун Баңгизаттар жана кылмыштуулук боюнча башкармалыгынын (БУУ БККБ) отчетуна ылайык, 2024-жылдын аягына карата Ооганстанда жана коңшу өлкөлөрдө метамфетаминди кармоо жана аныктоо саны мурунку жылга салыштырмалуу дээрлик 50 пайызга өскөн.

Сүрөт: Рейтер