Душанбе, 14 октябр, – АИ «Корвон Иттилоот». Аз 17 то 19 октябр дар пойтахти Тоҷикистон Рӯзҳои синамои Русия дар доираи Синамоҷоизаи сеюми «Тоҷи Сомон» баргузор мешаванд. Ба тамошобинон чор филми ҳунарии русӣ пешниҳод мегардад. Маросими ифтитоҳи чорабинӣ 17 октябр, соати 17:00, дар толори синамои «Ватан» ба нақша гирифта шудааст.

Тавре «Тоҷикфилм» хабар медиҳад, ба барномаи намоиш филмҳои «Авиатор», «Отетс» («Падар»), «Буратино» ва «Двое в одной жизни, не считая собаки» («Ду нафар дар як зиндагӣ, бе назардошти саг») дохил шудаанд. Намоиши филмҳои Русия то 19 октябр идома меёбад.

Синамоҷоизаи сеюми «Тоҷи Сомон» аз 15 то 20 октябри соли 2026 дар Душанбе баргузор мешавад. Дар ҳошияи ин чорабинӣ ҳамчунин Рӯзҳои синамои Эрон, Русия, Ӯзбекистон ва Қирғизистон ба нақша гирифта шудаанд.

Барномаи байналмилалӣ барои шиносоии тамошобинони тоҷик бо синамои кишварҳои минтақа ва дигар давлатҳо, инчунин рушди робитаҳои фарҳангӣ тавассути санъати синамо замина фароҳам меорад. Намоиши филмҳои миллӣ имкон медиҳад, ки тамошобинон бо равишҳои гуногуни эҷодӣ, мавзӯъҳо ва анъанаҳои фарҳангии кишварҳои иштирокчӣ шинос шаванд.

Акс: акси яке аз филмҳои русӣ, ки дар доираи Рӯзҳои синамои Русия ба намоиш гузошта мешавад