Остона, 11 майи соли 2026 АИ «Караван инфо». Вазорати дифои Ҷумҳурии Қазоқистон сокинон ва меҳмонони пойтахтро аз оғози корҳои омодагӣ ба намоиши авиатсионӣ ҳушдор дод. Аз санаи 10 май дар фазой шахр парвозхои таълимии авиацияи харбй огоз ёфта, санаи 15 май бо парвози васеи намоишии ҳавопаймоҳои ҷангӣ ба охир мерасад.

Тибқи маълумоти идораи мудофиа, чорабинӣ дар доираи машқҳои нақшавии Нерӯҳои мудофиаи ҳавоӣ гузаронида мешавад. Ҳавопаймоҳои ҳарбӣ унсурҳои парвози гурӯҳиро дар баландиҳои хурд ва миёна кор мекунанд. Вазорат таъкид намуд, ки ҳамаи машкҳо тибқи протоколҳои амниятӣ ташкил намуда шудаанд ва ба ҳаёти ҳаррӯзаи мегаполис таъсири манфӣ намерасонанд.

Тафсилоти муҳим:

• Аз сокинон хоҳиш намуда мешавад, ки дар робита ба баландшавии кӯтоҳмуддати сатҳи садо ҳангоми парвоз аз болои маҳаллаҳои истиқоматӣ хавотир нашаванд.
• Дудҳои махсуси ранга, ки санаи 15 май барои эффектҳои визуалӣ истифода мешаванд, сертификатсия шудаанд ва барои муҳити зист комилан безараранд.
• Ҳамаи машқҳо дар баландии бехатар гузаронида мешаванд, ки ҳама гуна хатарҳоро барои инфрасохтори шаҳр ва аҳолӣ бартараф мекунанд.

Парвози намоишӣ санаи 15 май ба анҷом расидани машқҳои нақшавии авиатсия хоҳад буд. Вазорати мудофиа шаҳрвандонро даъват мекунад, ки ором бошанд ва ба раванди таълим бо фаҳмиш муносибат кунанд.

Аксҳо: pixabay / robertwaghorn