Остона, 07 июни соли 2026-АИ «Караван Инфо». Президенти Қазоқистон Қасим-Жомарт Токаев дар маросими бардоштани Парчами Давлатӣ таъкид намуд, ки Конститутсияи нав, ки дар раъйпурсӣ қабул шудааст, барои даҳсолаҳо пеш роҳнамои калидии рушди кишвар хоҳад буд.

“Маҳз ин Конститутсия аст, ки мардуми моро ба сӯи қуллаҳои нави тамаддуни ҷаҳонӣ мебарад”, — изҳор дошт сарвари давлат.

Президент қайд намуд, ки дар шароити тағйироти глобалии технологӣ ва бӯҳронҳои байналмилалӣ нақши қонуни Асосӣ ҳамчун роҳнамои стратегӣ ба таври назаррас меафзояд. Вай хабар дод, ки Конститутсия аз 1-уми июл эътибор пайдо мекунад, ки пас аз он интихобот ба Курултай ва ташкили Қазақстан Халиқ Кенеси баргузор мешавад.

Ба гуфтаи Токаев, кишвар ба давраи дигаргуниҳои бузург ворид мешавад, ки дар он арзишҳои ҷамъиятӣ ва рафтори шаҳрвандон тағйир меёбад.

“Мо набояд ба ҳеҷ ваҷҳ ба он чизе, ки ба даст овардаем, ором шавем, мо бояд пайваста пеш равем”, — таъкид намуд Президент.

Сарвари давлат илова намуд, ки таҳкими ваҳдати халқ ва муттаҳидсозии ҷомеа дар атрофи ҳадафу арзишҳои умумимиллӣ вазифаи калидӣ боқӣ мемонад.

Аксҳо: Акорда