Остона, 20 майи соли 2026-АИ «Караван Инфо». Президенти Қазоқистон Касим-Жомарт Токаев дар оғози системаи Astana LRT (Астана Эл Ар Ти) иштирок намуд ва бо кори маркази ягонаи диспетчерӣ, ки барои назорат ва ҳамоҳангсозии нақлиёти ҷамъиятии пойтахт масъул аст, шинос шуд.

Тавре ки ҳокими Остона Женис Касимбек хабар дод, барои хидматрасонии нақлиёти сабуки релсӣ хадамоти алоҳидаи диспетчерӣ таъсис дода шудааст. Имрӯз 21 мутахассис мониторинги системаи нақлиётии шаҳрро назорат мекунанд.

Сарвари давлат таъкид намуд, ки оғози LRT на танҳо барои пойтахт, балки барои тамоми кишвар аҳамияти калон дорад.

“Дар оянда Остона бояд маркази бузурги нақлиётии Авруосиё шавад”, — қайд намуд Президент.

Касим-Жомарт Токаев инчунин ба ҷониби Чин барои татбиқи бомуваффақияти лоиҳа ташаккур гуфт ва ба кормандони CTS Transportation (Си Ти Эс Транспортейшн) ва Astana LRT (Астана Эл Ар Ти) муваффақият орзу намуд.

Пас аз маросими расмӣ, Президент ҳаракати қаторҳоро оғоз намуд ва аввалин мусофири хатти нав шуд, ки аз истгоҳи Һуежай то истгоҳи Осорхонаро Тай намуд. Ба сарвари давлат корти нақлиётӣ бо рақами силсилавӣ- 001 супорида шуд.

Дарозии хат 22,4 километрро ташкил медиҳад. Дар ин хатсайр 15 қатораи бесарнишин ҳаракат мекунанд, ки ҳар кадоми онҳо метавонанд зиёда аз 600 мусофирро интиқол диҳанд. Система 18 истгоҳ ва депои муосирро дар бар мегирад ва роҳи пурра тақрибан 40 дақиқаро мегирад. Фосилаи ҳаракат 5-6 дақиқаро ташкил медиҳад. Инчунин сохтмони навбати дуюми LRT бо дарозии 26,5 километр баррасӣ намуда мешавад.

Аксҳо: Акорда