Остона, 09 май 2026г. – АИ Караван Инфо. Президенти Қазоқистон Қосим-Ҷомарт Тоқаев қазоқистониёнро бо Рӯзи Ғалаба табрик гуфта, аҳамияти ҳифзи хотираи корнамоии сарбозони фронт ва ақибгоҳро қайд намуд. Ба гуфтаи вай, миллионҳо нафар қазоқистониён дар Ғалабаи умумӣ саҳми бузург гузошта, дар фронт мардонагӣ ва фидокорӣ дар ақибгоҳ нишон дод.

Сарвари давлат таъкид кард, ки имрӯз дар кишвар хотираи қаҳрамонони ҷанг бодиққат ҳифз карда мешавад — ба ифтихори онҳо муҷассамаҳо гузошта, филмҳо ба навор гирифта, кӯчаву мактабҳо номгузорӣ мешаванд.

“Ба туфайли ҷасорат ва истодагарии бениҳояти ҷанговарон мо дар кишвари осоишта ва мустақил зиндагӣ мекунем” гуфт Президент.

Токаев инчунин изҳор дошт, ки Рӯзи Ғалаба пеш аз ҳама рӯзи хотира ва миннатдорӣ ба насли Ғолибон аст. Дар охир ӯ ба қазоқистониён сулҳ, ваҳдат ва шукуфоӣ орзу намуд.

Монументи Отан Ана дар Остона

Аксҳо: Акорда