Душанбе, 26 сентябр, – АИ «Корвон Иттилоот». Вазири корҳои хориҷии Ҷумҳурии Тоҷикистон Сироҷиддин Муҳриддин 23 сентябр дар шаҳри Ню-Йорк бо вазири корҳои хориҷии Ҷумҳурии Исломии Эрон Аббос Арақчӣ вохӯрӣ баргузор намуд.

Дар ҷараёни суҳбат ҷонибҳо масъалаҳои рушди минбаъдаи муносибатҳои дуҷониба ва ҳамкорӣ дар соҳаҳои фарҳангӣ-гуманитарӣ ва тиҷоратӣ-иқтисодиро баррасӣ карданд. Ҳамчунин табодули афкор оид ба масъалаҳои мубрами амнияти сиёсӣ ва минтақавӣ сурат гирифт.

Вохӯрӣ дар ҳошияи ҳафтаи сатҳи баланди 81-умин ҷаласаи Маҷмаи Умумии Созмони Милали Муттаҳид баргузор гардид, ки дар кори он ҳайати Тоҷикистон таҳти роҳбарии сарвари ниҳоди сиёсати хориҷӣ иштирок дорад.

Муколамаи вазирони корҳои хориҷии ду кишвар манфиатдории Душанбе ва Теҳронро дар таҳкими робитаҳои анъанавии дӯстона, васеъ кардани ҳамкории амалӣ ва ҳамоҳангсозии равишҳо ба масъалаҳои устувории минтақавӣ тасдиқ менамояд.

Акс: Вазорати корҳои хориҷии Ҷумҳурии Тоҷикистон