AFG'ONISTON, 2026-yil 15-oktabr – Karavan Info axborot agentligi. Tolibon tashqi ishlar vaziri Amir Xon Muttaqi harakat o'zining muvozanatli tashqi siyosatining bir qismi sifatida Hindiston bilan munosabatlarni rivojlantirishga katta ahamiyat berishini aytdi.

Afgʻoniston Tashqi ishlar vazirligining chorshanba, 14-oktabr kuni maʼlum qilishicha, Muttaqiy bu bayonotni Kobulda Hindistonning Muvaqqat ishlar vakili Yatin Patel bilan tanishuv uchrashuvida aytdi.

Muttaqiyning so'zlariga ko'ra, Afg'oniston va Hindiston o'rtasidagi savdo hajmi o'sib bormoqda.

U ikki mamlakat davlat idoralari va xususiy sektorining salohiyatidan maksimal darajada foydalanish uchun aloqalarni mustahkamlash va hamkorlikni kengaytirish zarurligini ta'kidladi.

O'z navbatida, Yatin Patel , Afg'oniston tomoni xabar berganidek, Hindiston Afg'oniston bilan iqtisodiy, siyosiy va gumanitar sohalarda hamkorlikni kengaytirishga tayyorligiga ishonch bildirdi.

Surat: Afg'oniston Tashqi ishlar vazirligi