AFG'ONISTON, 2026-yil 17-aprel – Karavan Info axborot agentligi. Afg'onistonning Qirg'izistondagi elchisi Abdushuqur Haqqoniy Bishkekda bo'lib o'tgan 23-Xalqaro qurilish sanoati ko'rgazmasida ishtirok etdi.

Elchixona xabar berishicha, tadbir doirasida Haqqoniy havoni tozalash tizimlariga ixtisoslashgan Rossiya kompaniyasi vakillari bilan uchrashdi va ularni Afgʻonistonga sarmoya kiritishga chaqirdi.

Diplomatik missiya ma'lumotlariga ko'ra, kompaniya vakillari o'z navbatida Afg'oniston bozoriga investitsiya kiritishga qiziqish bildirishgan.

Har yili turli mamlakatlar kompaniyalari ishtirokida o'tkaziladigan ko'rgazmada qurilish sanoatida qo'llaniladigan zamonaviy texnologiyalar va yechimlar namoyish etilmoqda.

Surat: Bishkekdagi Afgʻoniston elchixonasi