ООГАНИСТАН, 2026-жылдын 17-апрели – Karavan Info маалымат агенттиги. Ооганстандын Кыргызстандагы элчиси Абдушукур Хаккани Бишкекте өткөн 23-эл аралык курулуш өнөр жайы көргөзмөсүнө катышты.

Элчиликтин маалыматы боюнча, иш-чаранын алкагында Хаккани абаны тазалоо системаларына адистешкен орусиялык компаниянын өкүлдөрү менен жолугушуп, аларды Ооганстанга инвестиция салууга үндөгөн.

Дипломатиялык миссиянын маалыматы боюнча, компания өкүлдөрү өз кезегинде Ооганстан рыногуна инвестиция салууга кызыкдар экенин билдиришкен.

Жыл сайын ар кайсы өлкөлөрдүн компанияларынын катышуусунда өткөрүлүүчү көргөзмөдө курулуш тармагында колдонулган заманбап технологиялар жана чечимдер көрсөтүлөт.

Сүрөт: Ооганстандын Бишкектеги элчилиги