Остона, 16 апрели соли 2026-АИ «Караван Инфо». Вакилони Сенат дар ҷаласаи пленарӣ созишнома дар бораи равобити иттифоқчии Қазоқистон ва Тоҷикистонро ба тавсиб расониданд. Ҳуҷҷат барои такони иловагӣ ба рушди ҳамаҷонибаи ҳамкориҳои дуҷониба пешбинӣ шудааст.

Созишнома тавсеаи ҳамкориҳоро дар бахшҳои сиёсӣ, низомӣ, тиҷоративу иқтисодӣ, кишоварзӣ, нақлиёту транзит, ғизо, саноат, обу энержӣ, муҳити зист, рақамӣ, маориф ва фарҳангию гуманитарӣ, инчунин ҳамгироии байниминтақавӣ пешбинӣ мекунад.

Ҷонибҳо бо мақсади таъмини амнияти минтақавӣ ҳамкориҳоро дар самти муқовимат ба чолишҳо ва таҳдидҳо дар Осиёи Марказӣ, инчунин робитаҳо дар соҳаҳои ҳарбӣ ва ҳарбию техникӣ таҳким бахшида истодаанд.

Ба рушди ҳамкориҳо ҷиҳати истифодаи оқилона ва мутақобилан судманди захираҳои оби манбаъҳои байнидавлатии Осиёи Марказӣ бо назардошти манфиатҳои тамоми кишварҳои минтақа таваҷҷуҳи хоса зоҳир намуда мешавад.

Тасдиқи шартнома барои рушди муколамаи сиёсӣ, ҳамкорӣ дар соҳаи амният ва рушди устувори ду давлат заминаи мустаҳкам фароҳам меорад.

Сурат: freepik/DC Studio